Astrid Andreasen
er eitt	menniskja
Fødd(ur)	1948 í/á Vestmanna
Starv	listafólk, postage stamp designer, scientific illustrator
Dátuheiti
VIAF	310665004
LCAuth	n2014050059
Commons	Astrid Andreasen

Astrid Jóhanna Andreasen (fødd 1948 í Vestmanna) er ein føroysk listakvinna, vísundaligur teknari^[1] og frímerkja-myndprýðari. Hon hevur serstakliga lagt seg eftir at tekna djór, serliga fiskar og onnur havdjór. Hon varð útbúgvin sum hondarbeiðslærarinna í 1968 frá Kerteminde Husflidsskole. Í 1982 fór hon á Aarhus Kunstakademi, og seinni hevur hon lært vísindaliga tekning á Jerlesborgskúlanum og á Tjernø Marinbiologiska Station í Svøríki. Astrid er ein fjøltáttað listakvinna. Hon hevur stóran part av sínum arbeiðslívi starvast innan lívfrøði, og hevur m.a. teknað eina ørgrynnu av teimum føroysku fiskunum, fuglunum, blómunum og tarunum. Verk hennara eru gjørd úr alskyns tilfari, líka frá silki til jarntráð. Eisini eru fleiri av verkunum bundin úr føroyskum tógvi við teimum eyðkendu føroysku bindingarmynstrunum. Astrid hevur í meira enn 20 ár starvast á Náttúrugripasavninum (nú Søvn Landsins) sum vísundaligur teknari.^[2]

Í 2005 gjørdi Astrid, saman við dóttrini Katrin, altartalvuna í Vestmanna kirkju. Hon hevur eisini teknað nógv frímerki og jólamerki.

Í 2010 kom ein bók út um Astrid Andreasen á donskum. Bókin eitur Fisken i dukkevognen, tað er Trine Rytter Andersen, ið hevur skrivað bókina.^[3]

Í 2014 fekk hon heiðurin at myndprýða Kærleikskúluna.^[4]

• 
  FR 248 of 1994: Kombikk - Stickleback (Gasterosteus aculeatus).
• 
  FR 249: Rútar kongur - False boarfish (Neocyttus helgae).
• 
  FR 250: Áarsíl - Brown trout (Salmo trutta fario).
• 
  FR 251: Búrfiskur - Orange roughy (Hoplostethus atlanticus).

Útgávudagur: 6. februar 1995.

• 
  FR 264: Ulopa reticulata.
• 
  FR 265: Streptanus sordidus.
• 
  FR 266: Anoscopus flavostriatus.
• 
  FR 267: Macrosteles alpinus.

Útgávudagur: 12. juni 1995.

• 
  FR 275: North Atlantic raven (Corvus corax varius).
• 
  FR 276: Pied Raven (Corvus corax varius morpha leucophaeus).

• 
  FR 290: Waxwing (Bombycilla garrulus).
• 
  FR 291: Common crossbill (Loxia curvirostra).

• 
  FR 303: Leyk-vakshattur (Hygrocybe helobia).
• 
  FR 304: Gulur vakshattur (Hygrocybe chlorophana).
• 
  FR 305: Moyggjar-vakshattur (Hygrocybe virginiae).
• 
  FR 306: Papageyka-vakshattur Hygrocybe psittacina.

Útgávudagur: 17. februar 1997.

• 
  FR 307: Reyðkollur (Carduelis flammea).
• 
  FR 308: Prýðisígda (Pyrrhula pyrrhula).

• 
  FR 324: Kvørkveggja (Turdus merula).
• 
  FR 325: Stari (Sturnus vulgaris faeroensis).

• 
  FR 344: Grápurvur (Passer domesticus).
• 
  FR 345: Mortítlingur (Troglodytes troglodytes).

Útgávudagur: 11. februar 2002

• 
  FO 409: Lítli høgguslokkur (Sepiola atlantica)
• 
  FO 410: Øða (Modiolus modiolus) Horse mussel
• 
  FO 411: Bertákna (Polycera faeroensis)
• 
  FO 412: Agngágga (Buccinum undatum)

Útgávudagur: 14. apríl 2003

• 
  FO 440: Fiskatræ.

• 
  FO 522: Sýldur drunnhvíti (Oceanodroma leuchorhoa).
• 
  FO 523: Drunnhvíti (Hydrobates pelagicus).
• 
  FO 524: Sýldur drunnhvíti (Oceanodroma leucorrhoa).
• 
  FO 525: Drunnhvíti (Hydrobates pelagicus).

• 
  FO 539-548: Djúpvatnsfiskar.
• 
  FO 539: Grønlandstussi (Himantolophus groenlandicus).
• 
  FO 540: Seilur (Gonostoma elongatum).
• 
  FO 541: Trantakongafiskur (Sebastes mentella).
• 
  FO 542: Bláaskøta (Neoraja caerulea).
• 
  FO 543: Tranthavmús (Rhinochimaera atlantica).
• 
  FO 544: Lusifer (Linophryne lucifera).
• 
  FO 545: Tussafiskur (Ceratias holboelli).
• 
  FO 546: Laksastyrja (Lampris guttatus).
• 
  FO 547: Silvurøks (Argyropelecus olfersi).
• 
  FO 548: Havtaska (Lophius piscatorius).

1. ↑ b.dk - Kunstneren med mikroskopet
2. ↑ savm.fo - Starvsfólk á Søvnum Landsins
3. ↑ arnoldbusck.dk
4. ↑ dugni.fo - Kærleikskúlan 2014 - eitt listarligt jólaprýði^{[deyð leinkja]}